आज:  | Sat, 20, Apr, 2024

बारा : परवानीपुरमा निःशुल्क आँखा शिविर सम्पन्न

Avatar photo दिशा निर्देश ९ माघ २०८०, मंगलवार २१:१८ मा प्रकाशित (२ महिना अघि)

वीरगञ्ज । बाराको परवानीपुर गाउँपालिका वडा नं. ३ लिपनीमाल स्थित स्वास्थ्य चौकीमा मंगलबार निःशुल्क आँखा चेकजाँच शिविर सम्पन्न भएको छ ।

 

लायन्स क्लब अफ वीरगंज सेन्ट्रल सिटीको आयोजना र परवानीपुर गाउँपालिकाको सहकार्यमा भएकाे शिविरमा १४८ जनाले आँखा चेकजाँच गराएका हुन् । जस मध्ये ३२ जनामा मोतियाबिंद फेला परेको लायन्स क्लब अफ वीरगंज सेन्ट्रल सिटीकी अध्यक्ष सलमा खातुनले जानकारी दिइन ।

 

शिविरमा माट्रिका आई फाउन्डेसनका अप्टोमेट्रिक्स डाक्टर मनिषा पटेलले आँखा चेकजाँच गरेकी थिइन । मोतियाबिंद फेला परेका सबै जनालाई यही माघ १९ गते वीरगंज मै आँखाको शल्यक्रिया गरिने अध्यक्ष खातुनले जानकारी दिइन् ।

 

शिविरमा परवानीपुर गाउँपालिकाका अध्यक्ष राम क्षत्री प्रसाद पटेल, उपाध्यक्ष सुगान्धी देवी कनुइन, वडा नं. ३ का वडाध्यक्ष इब्राहीम देवान, लायन्स क्लब अफ वीरगंज सेन्ट्रल सिटीका सचिव सुशीला साह, माट्रिका आई फाउन्डेसनका मनोरञ्जन यादव, राजेश चौधरी लगायतको उपस्थिति रहेको थियो ।

 

कार्यक्रमको अवलोकन गर्दै गाउँपालिका अध्यक्ष रामक्षत्री प्रसाद पटेलले सराहनीय कार्य गरेको लायन्स क्लब अफ वीरगंज सेन्ट्रल सिटीका सम्पूर्ण पदाधिकारीहरुलाई धन्यवाद दिएका थिए । साथै उनले आउने दिनमा पनि यस क्लबसंग सहकार्य गरेर सामाजिक कार्यक्रमहरु गर्ने प्रतिबद्धता जनाए ।


सम्बन्धित खबरहरु