वीरगञ्ज । पाँचौं परवानीपुर गोल्डकप फुटबल प्रतियोगीताको आइतबारको खेलमा निजगढ फुटबल क्लब निजगढले सडेनडेथमा जित निकालेको छ ।
परवानीपुर खेल मैदानमा जारी दोस्रो दिनको खेलमा निजगढ फुटबल क्लब निजगढले ८-७ वीरगन्ज युथ एकेडेमी वीरगन्जलाई हराउदै जित निकालेको हो ।
खेल सुरु भएको समय देखि रोमाञ्चक प्रतिस्पर्धामा उत्रेको दुबै टोलि जित निकाल्ने दाउमा थिए । तर निजगढ फुटबल क्लबले बलियो देखिएको थियो ।
खेलको ३५ औं मिनेटमा निजगढ फुटबल क्लब निजगढका खेलाडी अजय चौधरी आफ्नो टिमको लागि पहिलो गोल गरेर अग्रता बनाए ।
खेलको ५० औं मिनेटमा वीरगन्ज युथ एकेडेमीका खेलाडी जिशस शाक्यले गोल फर्काएका थिए । उनले पेनाल्टीको सदुपयोग गर्दै गोल गरेका थिए ।
खेलको निधारित्त समयमा दुई टिमले १-१ गोलले बराबरी खेलेपछी खेल ट्राइब्रेकरमा धकेलिएको थियो । पेनाल्टीमा पनि टिम बराबरी गोल गरेका थिए । त्यसपछि सडेनडेथमा
निजगढ फुटबल क्लबका खेलाडी अमित उरावले गरेको गोल निर्णायक साबित भएको थियो ।
आजको खेलमा म्यान अफ दी म्याच निजगढ फुटबल क्लबका गोलकिपरका युनिस चौधरी घोषित हुदै २१ सय नगद प्राप्त गरे । उनलाई परवानीपुर गाउँपालिका ३ का वडाअध्यक्ष इब्राहिम मियाले पुरस्कार प्रदान गरे । भोलिको खेलमा चिडियादह स्टार क्लब रौतहट र वीरगन्ज युनाइटेड क्लब वीरगन्ज बीच हुनेछ ।
प्रतियोगिताका संयोजक संजय मण्डलको अध्यक्षता भएको आजको खेलमा पर्सा जिल्ला फुटबल संघका अध्यक्ष अनिल कलवारले उदघाटन गरेका थिए । कार्यक्रममा स्वागत मन्तव्य प्रतियोगिताका सहसंयोजक दीपक यादवले गरेका थिए ।
एक हप्ता सम्म संचालन हुने पाँचौं परवानीपुर गोल्डकपमा भारत एक वटा र नेपालको ७ वटा टिम गरि आठ वटा टिमले सहभागी आयोजक क्लबका उपाध्यक्ष हुलास यादवले जानकारी दिए ।
जसमा उदघाटन खेलमा यंग स्टार क्लब बिहार आयोजक शक्ति युवा क्लब संग ५-० गोल अन्तरले पराजित हुदै बाहिरीएको छ । आजको खेलमा वीरगन्ज युथ एकेडेमी पराजित हुदै बाहिरीएको छ ।
राष्ट्रको लागि खेलकूद, स्वास्थ्यको लागि खेलकूद नाराका साथ परवानीपुर गोल्डकप–२०८३ को पाँचौं परवानीपुर गोल्डकप परवानीपुर खेल मैदानमा करिब १७ लाखको लागतमा वैशाख ५–१२ गते प्रतियोगिता संचालन हुने यादवले बताए ।
प्रतियोगितामा पहिलो पुरस्कार २ लाख, द्वितीय पुरस्कार १ लाख र अन्य विधा जस्तै उत्कृष्ट डिफेन्डर, फरवार्ड, प्रतिदिनका खेलका उत्कृष्ट खेलाडीहरुलाई आर्थिक नगदबाट पुरस्कृत गरिने आयोजक क्लबका अध्यक्ष सुबोध श्रीवास्तले बताए । त्यस्तै खेलभरिका उत्कृष्ट प्रतियोगिताका खेलाडीलाई ५१०० नगद पुरस्कार दिइने अध्यक्ष श्रीवास्तले बताए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
