वीरगञ्ज । श्रम संस्कृति पार्टीका अध्यक्ष हर्कराज साम्पाङ राई ले अमेरिकी सहयोग परियोजना (एमसीसी) सम्झौता खारेज गर्न माग गर्नुभएको छ ।
प्रतिनिधिसभाको आजको बैठकमा बोल्दै अध्यक्ष राईले देशको स्वाधीनता, भूराजनीतिक सन्तुलन तथा असंलग्न परराष्ट्र नीतिको संरक्षणका लागि एमसीसी परियोजना खारेज गर्नुपर्ने तर्क गर्नुभयो ।
उहाँले कुनै पनि असमान तथा राष्ट्रहितविपरीत हुने व्यापारिक वा विकास सम्झौता स्वीकार्य नहुने स्पष्ट पार्दै एमसीसीलाई सैन्य रणनीतिक उद्देश्यसँग जोडिएको परियोजना भएको दाबी गर्नुभयो ।
साथै, सीमावर्ती क्षेत्रमा छिमेकी देशहरूको गतिविधि बढ्दै गएको उल्लेख गर्दै त्यसप्रति सरकार गम्भीर हुनुपर्ने उहाँको भनाइ थियो ।
अध्यक्ष राईले संयुक्त राष्ट्रसङ्घमार्फत नेपालको सीमा यकिन गर्नुपर्ने र त्यसको सुरक्षाका लागि नेपाली सेनालाई प्रभावकारी रूपमा परिचालन गर्न सरकारसँग माग गर्नुभयो ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
