काठमाडौँ । इन्डोनेसिया मा ७.४ म्याग्निच्युडको शक्तिशाली भूकम्प गएको छ । अमेरिकी भूगर्भ सर्वेक्षण संस्था (यूएसजीएस) का अनुसार भूकम्पको केन्द्रविन्दु पर्यटकीय तथा ऐतिहासिक सहर टर्नेटबाट करिब १२० किलोमिटर टाढा रहेको छ ।
भूकम्पपछि केन्द्रविन्दुबाट करिब एक हजार किलोमिटर क्षेत्रभित्र पर्ने इन्डोनेसिया, फिलिपिन्स र मलेसिया का तटीय क्षेत्रमा सुनामी आउन सक्ने सम्भावना औँल्याउँदै सतर्कता अपनाउन निर्देशन दिइएको छ । भूकम्पको धक्का जापान सम्म महसुस गरिएको जनाइएको छ ।
जापान ले पनि आफ्ना केही समुद्री तटमा पानीको सतहमा सामान्य परिवर्तन हुन सक्ने चेतावनी दिएको छ ।
मुख्य भूकम्पपछि ५.५ र ५.२ म्याग्निच्युडका दुई वटा पराकम्प पनि गएका छन् । थप शक्तिशाली पराकम्प आउन सक्ने चेतावनी दिँदै तटीय क्षेत्रमा बसोबास गर्ने नागरिकलाई उच्च सतर्कता अपनाउन आग्रह गरिएको छ ।
प्रभावित क्षेत्रमा उद्धार तथा राहत टोलीहरू परिचालन गरिएका छन् । हालसम्म मानवीय तथा भौतिक क्षतिको पूर्ण विवरण प्राप्त भइसकेको छैन ।
स्थानीय प्रशासनले आपतकालीन तयारीलाई उच्च सतर्कतामा राखिएको जनाएको छ ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
