वीरगञ्ज । नेपाली कांग्रेसका नेता अनिल रुंगटाले पर्साको क्षेत्र न. १ बाट उम्मेदवारी दिएका छन् । वीरगञ्जस्थित जिल्ला समन्वय समितिको कार्यालयमा रहेको मुख्य निर्वाचन अधिकृतको कार्यालयमा दलबलसहित पुगेका नेता रुंगटाले मनोनयन दर्ता गराएका हुन् ।
अहिले नयाँ दलहरुको चर्चा चलेपनि नेपाली कांग्रेसको पुरानो विरासतले गर्दा आफ्नो विजय सुनिश्चित भएको उनले बताए । उनले भने, ‘अहिले नयाँ दलहरुबीचको चर्चा स्थायी मात्रै हो, केही समयपछि हराउँछ । नेपाली कांग्रेसको पुरानो इतिहास छ । आफ्नै ईमान्दार कार्यकर्ताहरु छन् । त्यसैले मेरो विजयी निश्चित छ ।’
पर्साको विकास र समृद्धिका लागि आफूले उम्मेदवारी दिएको उनको भनाई छ । उनी यसअघि २०७४ को निर्वाचनमा पर्सा–१ बाटै उम्मेदवार बनेका थिए ।
त्यसअघि रुंगटालाई कांग्रेसले दोस्रो संविधानसभा निर्वाचनमा पनि समानुपातिकतर्फ उम्मेदवार बनाएर निर्वाचित गराएको थियो ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
