वीरगञ्ज। राष्ट्रिय स्वतन्त्र पार्टी (रास्वपा) बाट बारा निर्वाचन क्षेत्र नम्बर ३ मा अरविन्द साहले प्रतिनिधिसभा सदस्य पदका लागि उम्मेदवारी दर्ता गराएका छन्।
डिजिटल भुक्तानी प्लेटफर्म ‘खल्ती’ का संस्थापक तथा इन्जिनियर साहले महागढीमाई नगरपालिकाको भवनमा अवस्थित निर्वाचन क्षेत्र नम्बर ३ को निर्वाचन अधिकृतको कार्यालयमा पुगेर मनोनयन दर्ता गराएका हुन्।
मनोनयन दर्तापछि सञ्चारकर्मीहरूसँग कुरा गर्दै साहले प्रविधि, पारदर्शिता र सुशासनलाई आफ्नो प्रमुख एजेन्डा बनाएको बताए। निजी क्षेत्र र प्रविधिमा हासिल गरेको अनुभवलाई सार्वजनिक सेवामा प्रयोग गर्ने उद्देश्यसहित आफू राजनीतिमा आएको उनको भनाइ थियो।
देशमा नयाँ सोच र कार्यशैलीको आवश्यकता रहेको उल्लेख गर्दै साहले युवाहरूको सहभागिता बढाउने, रोजगारी सिर्जना गर्ने र सेवा प्रवाहलाई डिजिटल र प्रभावकारी बनाउने प्रतिबद्धता व्यक्त गरे।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
