वीरगञ्ज । अखिल क्रान्तिकारीका केन्द्रीय सचिव मिरोज अहमद पर्सा क्षेत्र नम्बर ३ बाट प्रतिनिधि सभा समानुपातिक सांसदका लागि सिफारिस भएका छन् । उनलाई जनवर्गीय समूहअन्तर्गत मुस्लिम क्लस्टरबाट सिफारिस गरिएको हो ।
मिरोज वि.सं. २०७३ सालमा अखिल क्रान्तिकारीको सदस्यका रूपमा विद्यार्थी राजनीतिमा आवद्ध भएका हुन् । एक दशकभन्दा लामो समयदेखि विद्यार्थी राजनीतिमा सक्रिय रहेका उनी एमाले र माओवादी केन्द्रबीच एकता भई नेकपा गठन भएपछि जिल्ला कमिटी सदस्य बनेका थिए । त्यसपछि वीरगञ्ज महानगर कमिटीको सहसंयोजक, महानगर कमिटी सचिव हुँदै पर्सा जिल्ला अध्यक्षको जिम्मेवारी सम्हाल्दै संगठन विस्तार र सुदृढीकरणमा सक्रिय भूमिका खेलेका छन् ।
२३ औं राष्ट्रिय सम्मेलनबाट मिरोज अखिल क्रान्तिकारीको केन्द्रीय सचिव पदमा निर्विरोध निर्वाचित भएका हुन् । एक दशकभन्दा लामो समयदेखि निरन्तर संगठन र विद्यार्थी आन्दोलनमा सक्रिय मिरोजको यो निर्विरोध चयनले उनको नेतृत्व क्षमता, संगठनप्रतिको प्रतिबद्धता र लोकप्रियतालाई प्रमाणित गरेको छ ।
युवा पुस्ताको प्रतिनिधित्व गर्ने नेताका रूपमा चिनिएका मिरोज विद्यार्थीका मुद्दा मात्र नभई समसामयिक सामाजिक र राजनीतिक सवालमा पनि निरन्तर सक्रिय छन् । शिक्षा, रोजगारी, समान सहभागिता, सामाजिक न्यायलगायत विषयमा उनले सरोकारवाला निकायको ध्यानाकर्षण गराउँदै दबाबमूलक भूमिका निर्वाह गर्दै आएका छन् । साथै विभिन्न सामाजिक अभियानमार्फत उनले सामाजिक उत्तरदायित्वको अभ्यासमा समेत जोड दिँदै आएका छन् ।
वीरगञ्जमा सञ्चालन भएको जेनजी आन्दोलनमा पनि मिरोजले नेतृत्वदायी भूमिका निर्वाह गरेका थिए । यही पृष्ठभूमिका आधारमा पार्टीले उनलाई जेनजी पुस्ताको प्रतिनिधित्व गर्ने युवा नेताका रूपमा पर्सा क्षेत्र नम्बर ३ बाट समानुपातिक सांसदका लागि सिफारिस गरेको नेकपा पर्साका इन्चार्ज विजय महताेले बताए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
