दिशा निर्देश 
काठमाडौं । सभामुख देवराज घिमिरेले विघटित प्रतिनिधिसभामा प्रतिनिधित्व गर्ने राजनीतिक दलहरूलाई छलफलका लागि बोलाएका छन् ।
प्रतिनिधिसभा विघटनपछि उत्पन्न अवस्थाबारे दलहरूको धारणा बुझ्ने उद्देश्यले सभामुखले बुधबार बिहान ९ बजे सिंहदरबारस्थित आफ्नै कार्यकक्षमा छलफल आयोजना गरेका हुन् ।
सभामुखका प्रेस सल्लाहकार शेखर अधिकारीका अनुसार घिमिरेले “संसद पुनर्स्थापनाको मागसहित अदालतमा जानु उपयुक्त हुन्छ कि हुँदैन ?” भन्ने विषयमा दलहरूको मत बुझ्ने तयारी गरेका हुन् ।
छलफलमा सहभागी दलका प्रतिनिधिहरूलाई पार्टीको आधिकारिक धारणा लिएर उपस्थित हुन आग्रह गरिएको छ ।
दलहरूसँगको छलफलपछि सभामुख घिमिरेले पूर्वमहान्यायाधिवक्ता, नेपाल बार एशोसिएसन र सर्वोच्च बार एशोसिएसनका पदाधिकारीहरूसँग पनि परामर्श गर्ने तयारी गरेका छन् ।
