दिशा निर्देश 
काठमाडौँ । देशभर आज सुनको भाउले नयाँ रेकर्ड कायम गरेको छ । नेपाल सुनचाँदी व्यवसायी महासंघका अनुसार बुधबार प्रतितोला सुनको मूल्य दुई लाख ३८ हजार रुपैयाँ पुगेको हो ।
हिजोको तुलनामा आज प्रतितोला दुई हजार ६ सय रुपैयाँले बढेको छ । हिजो सुनको मूल्य दुई लाख ३५ हजार चार सय रुपैयाँ थियो ।
सुनको भाउ लगातार बढिरहेको बेला आजको वृद्धि ऐतिहासिक मानिएको छ । महासंघका अनुसार अन्तर्राष्ट्रिय बजारमा सुनको मूल्य बढ्दै गएपछि नेपाली बजारमा समेत त्यसको प्रभाव परेको हो ।
उता, आज चाँदीको मूल्य भने केही घटेको छ । तोलामा ५ रुपैयाँले घटेर चाँदी प्रतितोला दुई हजार ९५५ रुपैयाँमा कारोबार भइरहेको छ । हिजो चाँदीको मूल्य दुई हजार ९६० रुपैयाँ थियो ।
