वीरगंज । वीरगंज महानगरपालिका वडा नम्बर ६ माइस्थानस्थित दक्ष फुटवेयरले आफ्ना खुद्रा व्यपारीहरुलाई पुरस्कृत गरेको छ । वीरगंजको आदर्शनगरस्थित सरोवर पोर्टीको होटलमा आयोजिक पुरस्कार वितरण समारोहका बीचमा व्यवसायीहरुलाई विभिन्न उपहारद्वारा पुरस्कृत गरिएको हो ।
दक्ष फुटवेयरका सञ्चालक रमेश चौधरीको अध्यक्षतामा भएको कार्यक्रमलाई सम्बोधन गर्दै वीरगंज उद्योग वाणिज्य संघका अध्यक्ष हरि गौतमले सरकारले उद्योगीलाई उठीबास लगाउन खोजेको बताए । आफु पनि चप्पलकै उत्पादनकर्ताको नाताले जुत्ता चप्पल व्यवसायीका समस्यालाई नजिकबाट बुझेको बताउँदै उनले व्यवसायीका समस्यालाई समाधान गर्न आफुले कुनै कसर बाँकी नराख्ने प्रतिबद्धता जनाए ।
यस्तै उनले एमआरपी अनिवार्य लगाएर सरकारले अवैध व्यपारलाई प्रश्रय दिइरहेको आरोप लगाए । यसबाट वैद्य व्यापार गर्ने व्यवसायी मारमा परेको उनको भनाई थियो । कार्यक्रममा बिक्रि गरेर लक्ष्य पूरा गरेका खुद्रा व्यवसायीहरुलाई एसी, फ्रिज, टिभी, टेबल फ्यान, लगायतका विभिन्न उपहारहरु प्रदान गरिएको दक्ष फुटवेयरका प्रमुख कार्यकारी अधिकृत राहुल जैसवालले जानकारी दिए ।
कार्यक्रममा रामनगिना प्रसाद कानु, भोला लामिछाने, आशिष वर्णवाल, चिनबाट समेत आएका प्रतिनीधि लगायतका विभिन्न कम्पनीका प्रमुख एवम् प्रतिनीधिहरुको उपस्थिती रहेको दक्ष फुटवेयरका युवराज जयसवालले बताए । कार्यक्रमको सहजीकरण सूर्य शुभचिन्तक र आराध्या श्रीवास्तवले गरेका थिए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
