वीरगञ्ज — नेपाल बीमा प्राधिकरण मधेस प्रदेश कार्यालयले चालु आर्थिक वर्षको पहिलो नौ महिनामा निर्जीवन बीमा तर्फ दुई अर्ब १५ करोड ७६ लाख रुपैयाँ बीमा शुल्क संकलन गरेको छ। यस अवधिमा निर्जीवन बीमाको दुई लाख ५९ हजार ४७५ वटा बीमा लेख जारी गरिएको छ।
प्राधिकरणका अनुसार, सोही अवधिमा सात हजार १२४ जनाले निर्जीवन बीमा अन्तर्गत एक अर्ब ६० करोड २६ लाख रुपैयाँ बराबरको दाबी भुक्तानी माग गरेका थिए। तीमध्ये पाँच हजार ५८५ जनालाई कुल एक अर्ब आठ करोड ४३ लाख रुपैयाँ दाबी भुक्तानी गरिएको छ।
मधेस प्रदेश कार्यालय प्रमुख प्रीति देवले बीमा सम्बन्धी जनचेतना न्यून भएकाले सर्वसाधारणको सहभागिता अपेक्षाकृत रूपमा नबढेको बताइन्।
कार्यालयले चालु आर्थिक वर्षको नौ महिनामा जीवन बीमातर्फ ११ अर्ब १६ करोड ७९ लाख रुपैयाँ बीमा शुल्क संकलन गरेको छ। यस अवधिमा जीवन बीमाका ८६ हजार ६७० बीमालेख जारी भएका छन्।
जीवन बीमा शुल्क संकलनमा मधेस प्रदेशको हिस्सा ९.२४ प्रतिशत रहेको छ। चैत महिनासम्म जीवन बीमातर्फ १७ हजार २६८ बीमालेखबाट दुई अर्ब ५४ करोड ६० लाख रुपैयाँ दाबी भुक्तानी गरिएको कार्यालयले जनाएको छ।
गत आर्थिक वर्षभरिमा भने जीवन बीमा दाबी भुक्तानीको संख्या २१ हजार ९०४ पुग्दा भुक्तानी रकम दुई अर्ब ८७ करोड ७४ लाख रुपैयाँ रहेको थियो।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
