काठमाडौँ, १ जेठ । प्रधानमन्त्री केपी शर्मा ओलीले रुसी सेनामा नेपाली नागरिकको भर्ती रोक्न स्पष्ट सन्देश दिँदै सो सन्देश राष्ट्रपति भ्यादिमिर पुटिनसम्म पुर्याउन आग्रह गरेका छन् ।
काल्मिकिया गणराज्यका प्रमुख बाटु कासिकोभ नेतृत्वको प्रतिनिधिमण्डलसँग सरकारी निवास बालुवाटारमा भएको भेटमा प्रधानमन्त्री ओलीले नेपालीलाई विदेशी सेनामा भर्ना नगरियोस् भन्ने नेपाल सरकारको स्पष्ट नीतिबारे जानकारी गराए ।
प्रधानमन्त्री ओलीले नेपाल र रुसबीच कुनै सैन्य सम्झौता नभएको स्मरण गराउँदै, नेपाली नागरिकहरूलाई रुसी सेनामा भर्ती नगरिनु पर्ने माग राखेका हुन् । सो सन्देश राष्ट्रपति पुटिनसम्म पुर्याउन प्रतिनिधिमण्डललाई अनुरोध गरिएको ओली सचिवालयले जनाएको छ ।
भेटको क्रममा प्रमुख कासिकोभले आगामी सेप्टेम्बरमा काल्मिकियामा आयोजना हुने अन्तर्राष्ट्रिय बौद्ध सम्मेलनमा सहभागी हुन प्रधानमन्त्री ओलीलाई निमन्त्रणा पनि गरेका छन् ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
