रूसी राष्ट्रपति भ्लादिमिर पुटिनले युक्रेनसँग प्रत्यक्ष वार्ताको प्रस्ताव गर्दै युद्धको समाधान खोज्न आग्रह गर्नुभएको छ। दीगो शान्ति स्थापनाका लागि समस्या समाधानमुखी संवाद आवश्यक भएको बताउँदै उहाँले वार्ताका लागि टर्कीको इस्तानबुल शहरलाई सम्भावित स्थानको रूपमा प्रस्ताव गर्नुभएको बीबीसीले जनाएको छ।
अन्तर्राष्ट्रिय समाचार संस्था रोयटर्सका अनुसार, राष्ट्रपति पुटिनले वार्ताको समन्वय तथा मध्यस्थताका लागि टर्कीका राष्ट्रपति रेसेप तैयप एर्दोगानलाई आग्रह गर्नुभएको छ। एर्दोगानले उक्त प्रस्तावमा सकारात्मक संकेत दिइसकेको जानकारी पनि सार्वजनिक भएको छ।
पुटिनका अनुसार, अब वार्तासम्बन्धी निर्णय युक्रेनी नेतृत्वको हातमा रहेको छ। हालसम्म युक्रेनले यसबारे कुनै आधिकारिक प्रतिक्रिया जनाएको छैन।
यसैबीच, अमेरिकी पूर्व राष्ट्रपति डोनाल्ड ट्रम्पले युद्धविरामका लागि दुबै पक्षमाथि दबाब सिर्जना गर्ने प्रयास गरिरहनुभएको छ। उता, अमेरिका र युक्रेनबीच महत्वपूर्ण खनिज स्रोतसम्बन्धी सम्झौता सम्पन्न भइसकेको छ।
युक्रेनप्रति ऐक्यबद्धता जनाउँदै फ्रान्सका राष्ट्रपति इम्यानुएल म्याक्रोन, जर्मनीका चान्सलर फ्रेडरिक मर्ज, पोल्याण्डका प्रधानमन्त्री डोनाल्ड टस्क र बेलायतका प्रधानमन्त्री कीर स्टार्मरले युक्रेनको राजधानी कीएभको संयुक्त भ्रमण पनि हालै सम्पन्न गर्नुभएको छ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
