चितवन, २८ वैशाख — मुग्लिन–नारायणगढ सडकखण्डको तुईनखोला भन्ने स्थानमा टिपर पल्टिँदा सडक पूर्ण रूपमा अवरुद्ध भएको छ।
आज बिहान करिब ७ बजे वीरगञ्जबाट काठमाडौँतर्फ जाँदै गरेको मधेश प्रदेश ०३–००१ ख ९८१७ नम्बरको कोइला लोड गरिएको टिपर अनियन्त्रित भई सडकमा पल्टिएको हो। दुर्घटनामा मानवीय क्षति नभए पनि ट्रक दुबैतर्फ फैलिँदा सडकका दुवै लेन बन्द भएका छन्।
घटनाको जानकारी पाएलगत्तै इलाका प्रहरी कार्यालय मुग्लिनबाट प्रहरी निरीक्षक प्रतिक सिंहको नेतृत्वमा टोली खटिई सडक खुलाउने प्रयास भइरहेको चितवन प्रहरीले जनाएको छ।
दुर्घटनास्थल मुग्लिनबाट करिब दुई किलोमिटर दक्षिणतर्फ पर्छ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
