वीरगञ्ज । वीरगञ्ज जेसीजको महत्वाकांक्षी साताव्यापी कार्यक्रम जेसीज सप्ताह २०२५ अन्तर्गत ‘कलाकार सम्मान कार्यक्रम’ भव्य रूपमा सम्पन्न भएको छ । अन्तर्राष्ट्रिय कला दिवसको अवसर पारेर आयोजित उक्त कार्यक्रममा वीरगञ्जलाई आफ्नो कर्मथलो बनाई विभिन्न क्षेत्रमार्फत आफ्नो कलाको पहिचान स्थापित गरेका युवा कलाकारहरूलाई सम्मान गरिएको हो ।
कार्यक्रममा कलाकार प्रदेशी साह, ललितकला प्रज्ञा प्रतिष्ठानका सदस्यसमेत रहेका अजमत अली अंसारी र ‘द भ्वाइस अफ नेपाल’मा उत्कृष्ट प्रस्तुति दिएका गायक सिद्धान्त सहनीलाई सम्मान गरिएको हो । उनीहरूलाई सम्मानपत्र, दोसल्ला र मायाको चिनो प्रदान गरिएको हो ।
वीरगञ्ज जेसीजका अध्यक्ष सरोज चौरसियाको अध्यक्षतामा सम्पन्न कार्यक्रममा पूर्वअध्यक्ष मधु राणा, निशान्त कुमार लामिछाने, सन्तोष खनाल, पूर्व अध्यक्ष गणेशमान श्रेष्ठ, अशोक गुप्ता, जितेन्द्र पुरुष ढकाल, डा. अर्बिन्द श्रेष्ठ, रञ्जन राउत, निवर्तमान अध्यक्ष अजय चौधरी, उपाध्यक्षद्वय सिराज अन्सारी, रोशन दास थारु लगायत पदाधिकारी तथा सदस्यहरूको उपस्थिति रहेको थियो ।
कलाकार प्रदेशी साहले दर्जनौं फिल्ममा अभिनय गरे पनि व्यापक सफलता हासिल गर्न नसकेको उल्लेख गर्दै देशको राजनीतिक अस्थिरता र आर्थिक संकटले कलाकारहरूको अवस्था जटिल बनाएको बताए ।
अर्का कलाकार अजमत अली अंसारीले गीत, संगीत तथा चित्रकला माध्यमबाट कला क्षेत्रमा योगदान दिँदै आइरहेका छन् । हाल उनी बालबालिकालाई चित्रकला र संगीत सिकाउँदै नयाँ पुस्ता तयार पार्न क्रियाशील छन् । उनले वीरगञ्जलाई ‘कलाको शहर’ बनाउनुपर्ने आवश्यकता औंल्याए ।
यस्तै, गायक सिद्धान्त सहनीले स्कुलदेखि नै आफ्नो प्रतिभा पहिचान भई सहयोग पाएको उल्लेख गर्दै आगामी दिनमा पनि निरन्तर कलात्मक यात्रालाई अगाडि बढाउने प्रतिबद्धता जनाए ।
अध्यक्ष चौरसियाले कला, संस्कृतिको संरक्षण र प्रोत्साहन आवश्यक रहेको बताउँदै भविष्यमा पनि यस्ता कार्यक्रमहरूलाई निरन्तरता दिने बताए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
