नेपालले आज (शुक्रबार) देखि बंगलादेश बिजुली निर्यात (बेच्न सुरु) गर्दै छ।
गत असोज १७ मा नेपाल, भारत र बंगलादेशबीच भएको त्रिपक्षीय सम्झौताअनुसार नेपालले आज ४० मेगावाट बिजुली बंगलादेश पठाउन लागेको हो।
प्राधिकरणका कार्यकारी निर्देशक घिसिङका अनुसार यस वर्षका लागि आज (कात्तिक ३० गते) दिन मात्र बिजुली बंगलादेश पठाउन लागिएको हो। शुक्रबार करिब ११ घण्टा बिजुली बिक्री गर्दा प्राधिकरणले ३८ लाख ३२ हजार ४ सय रुपैयाँ आम्दानी गर्ने उनको भनाइ छ।
आज एकदिन बिजुली बेचेपछि अब एकैचोटि अर्काे वर्ष जुन १५ मा बंगलादेश विद्युत् निर्यात गरिनेछ। त्यसपछि भने बिजुली निर्यात नियमित हुने घिसिङले जानकारी दिएका छन्।
बंगलादेशलाई बिजुली बेच्दा देशलाई प्रतिमहिना झन्डै ३३ करोड आम्दानी हुने विद्युत् प्राधिकरणले जनाएको छ।
हरेक वर्षको जुन १५ देखि नोभेम्बर १५ सम्म बंगलादेशलाई बिजुली बेच्ने सम्झौता भएको छ ।
६ वर्षको गृहकार्यपछि नेपाल र बंगलादेशबीच विद्युत् बिक्री सम्झौता (पीएसए) कार्यान्वयन हुने भएको हो।