वीरगञ्जको बिर्तास्थित सिगरेट फ्याक्ट्री रोडमा छाला तथा यौन रोग विशेषज्ञ र कस्मेटिक सर्जनको रुपमा परिचित डा. अतुलेस कुमार चौरसियाले आफ्नो अत्याधुनिक सेवा सुविधा प्रदान गर्ने क्लिनिकको उद्घाटन गर्नुभएको छ। उक्त समारोहमा स्वास्थ्यकर्मी, स्थानीय व्यक्तित्वहरू र अन्य विशिष्ट अतिथिहरूको उपस्थिति रहेको थियो।
उद्घाटन समारोहमा बोल्दै डा. चौरसियाले आफ्नो क्लिनिकले छाला तथा यौनसम्बन्धी समस्यामा परेको बिरामीहरूलाई गुणस्तरीय सेवा प्रदान गर्ने उद्देश्य राखेको बताउनुभयो। वीरगञ्ज र आसपासका क्षेत्रका बासिन्दाहरूलाई लक्षित गरी यो क्लिनिकको स्थापना गरिएको उहाँले जानकारी दिनुभयो।
डा. चौरसियाको क्लिनिकमा अत्याधुनिक प्रविधिको प्रयोग गरी रोगको निदान, उपचार र कस्मेटिक सर्जरीसम्बन्धी विभिन्न सेवा सुविधा प्रदान गरिनेछ। यस क्लिनिकमा विशेष गरी छालासम्बन्धी समस्याहरू, यौनसम्बन्धी रोगहरू र सौन्दर्यसंग सम्बन्धित समस्याहरूको निदान र उपचारमा अनुभवी चिकित्सकहरूको टोली सक्रिय रूपमा संलग्न रहनेछ।
कार्यक्रममा उपस्थित विशिष्ट अतिथिहरूले वीरगञ्ज र यस क्षेत्रका जनताको स्वास्थ्य सेवालाई गुणस्तरीय बनाउन डा. चौरसियाको योगदानको सराहना गर्दै उहाँको क्लिनिकले स्थानीय बासिन्दालाई स्वास्थ्य सेवामा सहज पहुँच पुर्याउने विश्वास व्यक्त गरेका थिए।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
