अब्दुल कलाम हुसेन
वीरगन्ज : वीरगन्जमा आफ्नै ससुराकाे हत्या आरोपमा ज्वाइँ पक्राउ परेका छन्।
वीरगन्ज महानगरपालिका-७ रामटोलका ६५ वर्षीय सिताराम सर्राफको हत्या आरोपमा उनका ज्वाइँ साजन सर्राफ पक्राउ परेका हुन्। घटनाबारे जानकारी पाएपछि वडा प्रहरी कार्यालय बिर्ताबाट खटिएको टोलीले साजनलाई पक्राउ गरेको प्रहरीले जनाएकाे छ ।
पक्राउ परेका ३१ वर्षीय साजनले सोमबार दिउँसो ससुरामाथि आक्रमण गरेको जिल्ला प्रहरी कार्यालय पर्साका प्रहरी नायब उपरीक्षक दिपक भारतीले बताए ।
ज्वाइँको आक्रमणबाट गम्भीर घाइते भएका सितारामलाई तत्कालै उपचारका लागि नारायणी अस्पताल पुर्याइएको थियो र उनको उपचारकै क्रममा मृत्यु भएकाे हाे । घटनाबारे थप अनुसन्धान भइरहेको प्रहरी नायब उपरीक्षक भारतीले बताए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
