अब्दुल कलाम हुसेन / २२ साउन वीरगञ्ज : वडा प्रहरी कार्यालय विर्ताले विभिन्न स्थानहरुबाट भन्सार राजस्व छली चोरी पैठारी गरिएका सामानहरु बरामद गरेको छ।
वडा प्रहरी कार्यालय विर्ताबाट खटिएको प्रहरी टोलीले ईनर्वाटोल, नगवा, भकुवा र छपकैया लगायतका स्थानहरुबाट चोरी पैठारी गरी नेपाल भित्राइएको सामानहरु नियन्त्रणमा लिएको हो।
बरामद गरिएका सामानहरुमा मोबाईल चार्जर हेड ८ सय ३० पिस, बोलबम भेष्ट कमिज ५ सय १६ पिस, बोलबम कटु १ सय ७ पिस, जेन्स कुर्ता ४९ पिस, ट्राउजर ९ पिस, मोबाईल कभर २ सय ५५ पिस, मोबाईल ग्लास २१ प्याकेट, होल्डर ७ प्याकेट, पंखा रड १८ पिस, ग्यास रेगुलेटर ७ किलो, मोबाईल डाटा केबल १४ सय ६८ पिस, वाल सिल ३६ पिस, मोबाईल किट ११ पिस, बेल्ट ४६ पिस, बच्चाको भेष्ट कट्टु ५ पिस, लेडिज टप्स २ सय ३८ पिस, मोबाईल चार्जर ८२ पिस सामानहरुको मुल्य करिब रु १३ लाख ७३ हजार बराबर भन्सार छली गरी भित्र्याइएको सामान बरामद गरेको वडा प्रहरी कार्यालय विर्ताका प्रहरी प्रमुख प्रहरी निरीक्षक पुष्कर बोगटीले जानकारी दिए ।
प्रहरी निरीक्षक बोगटीका अनुसार बरामद सामग्रीलाई आवश्यक कारवाहीका लागि वीरगञ्ज भन्सार कार्यालयमा बुझाएकाे छ ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
