स्थानीय तहको निर्वाचन नजिकिएसँगै जनमत पार्टी निर्वाचनको तयारीमा

आगामी वैशाख ३० गते हुने स्थानीय तहको निर्वाचन नजिकिएसँगै सिके राउत नेतृत्वको जनमत पार्टीले चुनावी गतिविधिलाई अघि बढाएको छ । पार्टीले चुनावी केन्द्रित गतिविधिसँगै किसान आन्दोलनलाई समेत यसैसँग जोड्ने भएको जनाएको हो ।

जनमतको केन्द्रीय समितिको विस्तारित अनलाइन बैठकले बूथ–बूथ – मजबूत अभियानलाई स्थानीय तहसम्म लैजान नेताहरुको जिम्मेवारी समेत हेरफेर गरिएको पार्टीले जनाएको छ । जनमत पार्टीका नेता बिपी साहले बूथ–बूथ–मजबूत अभियानलाई नेताहरुलाई जिम्मेवारी दिएर स्थानीय तहसम्म पुगाउने बताए ।

स्थानीय तहको निर्वाचनमा स्थानीय नेताहरुले आफ्नो अनुकुल गठबन्धन गर्न सकिने र केन्द्रबाट कुनै पनि दलसँग गठबन्धन नगर्ने उनले बताए । बैठकले निर्वाचनको मतगणना सम्पन्न नहुँदासम्म नेता तथा कार्यकर्तालाई सक्रिय भएर लाग्न निर्देशन दिएको छ ।