वीरगञ्ज – पर्साको पकाहा मैनपुर गाउँपालिका वडा नम्बर ३ का वडाअध्यक्ष मदन साह कानु कार्यालय समयका बेला सितिमिति भेटिँदैनन् । तर कार्यालय बिदा रहेको दिनमा भने कार्यालयमै गएर सुत्ने गरेको भेटिएको छ ।
कानुले कार्यालयलाई व्यक्तिगत विश्रामघर बनाएको पाइएको हो । संविधान दिवसका दिन वडा कार्यालय पुग्दा वडा अध्यक्ष कानु कार्यालयको टेबलमा मस्त निदाइ रहेको भेटिए ।
सेवाग्राहीको काम गर्ने बेला फेला नपर्ने वडाअध्यक्ष विदाका दिनमा भने कार्यालयमै सुत्ने गरेको स्थानीय बताउँछन् ।
‘हाम्रा वडाअध्यक्षले कार्यालयाई आफ्नै निजी सम्पत्ति ठाने,’ स्थानीय विक्की साह भन्छन्, ‘ जनताको काम गर्ने बेला नभेटिने उनी विदाका बेला भने कार्यालयलाई नै विश्राम थलो बनाइरहेका छन् ।’
यसबारेमा वडाअध्यक्ष कानुसँग सोध्दा आफू अस्वस्थ भएकाले कार्यालयमा केही बेर विश्राम गरेको प्रतिकृया दिए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
