वीरगञ्ज – नेपाल आदिवासी जनजाती पत्रकार महासंघ (फोनिज)का पर्सा जिल्ला अध्यक्ष कुलनारायण प्रधान (दिलिप)ले एक जना भारतीय महिलाले आफ्नो चरित्र हत्या हुने गरी गतिविधि गरिरहेको भन्दै कारबाही गर्न माग गरेका छन् ।
पर्साका प्रहरी उपरीक्षक बेल बहादुर पाण्डेलाई ज्ञापन पत्र दिँदै भारतीय नागरिक सीता पटेल आफ्नो बारेमा अनर्गल प्रचार गर्दै हिँडेको भन्दै उनलाई कारबाही गर्न माग गरेका हुन् ।
वीरगञ्ज ११ श्रीपुरका सामुदायिक सेवा केन्द्रका सचिवसमेत रहेका प्रधानलाई पटेलले ५० आफ्नो ससुरासँग मिलेर घर निकाला गर्ने षड्यन्त्रमा सहभागि भएको आरोप लगाएकी थिइन् । उनले काठमाण्डौमा पत्रकार सम्मेलन गर्दै घटना मिलाउन प्रधानले आफूसँग ५० हजार लिएको तर काम नगरी उल्टै आफूलाई दुःख दिएको बताएकी थिइन् ।
प्रधानले भने पटेलले आफूलाई तथ्यहिन आरोप लगाएको भन्दै उनीविरुद्ध जिल्ला अदालत पर्सामा किर्ते नागरिकताको मुद्धा चलिरहेको र त्यसबाट बच्न आफूहरुमाथि अनर्गल आरोप लगाउँदै हिँडेको बताए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
