वीरगञ्ज – ५७ औं राष्ट्रिय बाल दिवसको अवसरमा नेपाल बाल संगठन पर्साले वीरगञ्जको आदर्शनगरमा रहेको बालमन्दिरमा विभिन्न कार्यक्रम गरेको छ ।
दिवसको अवसरमा विभिन्न खेल आयोजना गर्नुका साथै शुभकामना आदान प्रदान कार्यक्रम गरिएको हो ।
‘सामान्य अवस्था वा कोभिड महामारी : बालअधिकारको संरक्षण हामी सबैको जिम्मेवारी’ भन्ने नाराका साथ मनाइएको दिवसका अवसरमा बाल मन्दिरमा रहेका विद्यार्थीहरुले विभिन्न प्रतियोगितामा सहभागिता जनाएका थिए ।
बाल मन्दिर प्राङ्गणमा आयोजित प्रतियोगिता अन्तर्गत म्युजिकल चियर, स्पुन मार्बल, सर्कल इन आउट जस्ता खेलमा सहभागि भएर प्रथम, द्वित्तिय, तृतीय र सान्तवना स्थान प्राप्त गरेका बालबालिकालाई पुरस्कारबाट सम्मानित पनि गरिएको थियो ।
बालबालिकालाई पढाईतर्फ केन्द्रित गर्न खेलकुदका माध्यम प्रयोग गर्नु उपयुक्त हुने भएकाले यस्ता कार्यक्रमलाई निरन्तरता दिइने बाल संगठन पर्साका सभापति रामकिशोर सिंह पराग बताउँछन् ।
बाल संगठनले अहिले अनाथ तथा असहाय बालबालिकालाई निशुल्क पठन पाठनको व्यवस्था गरिरहेको भन्दै उहाँले आउँदा दिनमा पनि उनीहरुको पठन पाठनलाई निरन्तरता दिन लागि परेको बताए ।
कार्यक्रममा बाल मन्दिर विद्यालयका प्रधानाध्यापक रामाधर साह, बाल संगठन पर्साका सचिव हेमन्त तामाङ, कोषाध्यक्ष राजाबाबु रौनियार, विद्यालयका शिक्षक शिक्षिका, विद्यार्थी लगायतको सहभागिता रहेको थियो ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
