वीरगञ्ज – नेपाल सी.एम.ए. संघ पर्साले आयोजना गरेको रक्तदान कार्यक्रममा ३१ पोका रक्त संकलन भएको छ ।
संघको १८ औं स्थापना दिवसको अवसर पारेर वीरञ्जको घण्टाघरमा शुक्रबार आयोजित रक्तदान कार्यक्रममा ३१ पोका रक्त संकलन भएको हो ।
रक्त संचार केन्द्र वीरगञ्जमा रगत अभाव रहेको र रगत नहुँदा बिरामीलाई समस्या आउन थालेको जानकारी आएपछि आफुहरुले स्थापना दिवसको अवसर पारेर रक्तदान कार्यक्रम आयोजना गरेको संघका अध्यक्ष जोगिन्द्र प्रसाद चौरसियाले बताए ।
कार्यक्रममा ब्लड बैंक वीरगञ्जले प्राविधिक सहयोग गरेको थियो ।
संघका केन्द्रीय अध्यक्ष रामेश्वर प्रसादको प्रमुख आतिथ्यतामा भएको कार्यक्रममा केन्द्रीय सदस्य रामदयाल महतो, कार्यक्रम संयोजक मनोज पटेल, ब्लड बैंक वीरगञ्ज प्रमुख शौरभराज पाण्डे लगायतको सहभागिता रहेको थियो ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
