काठमाडौँ । अन्तरिम प्रधानमन्त्री सुशीला कार्की नेतृत्वको सरकारले फागुन २१ गते निर्वाचन गर्ने घोषणा गरेसँगै निर्वाचन आयोग तयारीमा जुटेको छ ।
जेनजी पुस्ताको आन्दोलनपछि प्रधानमन्त्री बनेकी कार्कीको सिफारिसमा राष्ट्रपति रामचन्द्र पौडेलले भदौ २७ गते संसद् विघटन गर्दै निर्वाचन घोषणा गरेका थिए ।
राष्ट्रपति पौडेलले शनिबार विज्ञप्ति जारी गर्दै ‘प्राप्त अवसरको सदुपयोग गरी जनता रिझाउने र निर्वाचन सम्पन्न गराउने’ अपिलसमेत गरेका छन् ।
निर्वाचन घोषणासँगै आयोगले आन्तरिक तयारी सुरु गरेको कार्यवाहक प्रमुख निर्वाचन आयुक्त रामप्रसाद भण्डारीले जानकारी दिए । उनले भने,
‘हामी निर्वाचन गराउने तयारीमा छौँ । जनशक्ति कमी छ, त्यसमा ध्यान दिनुपर्नेछ । छलफल गरेर दुई/तीन दिनमा निष्कर्ष निकाल्नेछौँ ।’
भण्डारीका अनुसार मतदाता अद्यावधिक कार्यतालिका बनाउनुपर्ने भएकाले हालसम्म ठोस निष्कर्ष ननिकालिएको हो ।
भदौ २३ गते भएको जेनजी आन्दोलनमा सरकारी दमनका कारण ५१ जनाको मृत्यु भएको थियो । आन्दोलनका क्रममा निजी तथा सार्वजनिक सम्पत्तिमा अर्बौँको क्षति पुगेपछि मुलुक असुरक्षा बढेको थियो । सोही परिस्थितीमा नेपाली सेनाको मध्यस्थतामा राष्ट्रपति र जेनजीबीच सहमति भई कार्की नेतृत्वको अन्तरिम सरकार बनेको हो ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
