आज:  | Sun, 26, Jun, 2022

काठमाडौंको मेयरमा ११ हजार ३ सय बढी मतले बालेन अग्रस्थानमा

दिशा निर्देश ३ जेष्ठ २०७९, मंगलवार १५:४४ मा प्रकाशित (१ महिना अघि)

३ जेठ, काठमाडौं । काठमाडौं महानगरपालिकाको मेयरमा स्वतन्त्र उम्मेदवार बालेन शाहले ११ हजार ३ सय ४३ मतले आफ्नो अग्रतालाई कायमै राखेका छन् ।

अहिलेसम्म २८ हजार ७ सय मत गन्दा शाहले ११ हजार ३ सय ४३ मतसहित अग्रता लिएका हुन् । उनका प्रतिस्पर्धी नेकपा एमालेका केशव स्थापित ६ हजार २ सय ५८ मत ल्याएका छन् ।

मेयरमै गठबन्धनको तर्फबाट नेपाली कांग्रेसकी सिर्जना सिंहले ५ हजार ४ सय ८ मत प्राप्त गरेकी छिन् । राप्रपाका उम्मेदवार मदनदास श्रेष्ठले ९ सय ७८ मत प्राप्त गरेका छन्।

यस्तै उपमेयरमा नेकपा एमालेकी सुनिता डंगोलले पनि फराकिलो अग्रतालाई कायमै राखेकी छिन् ।


सम्बन्धित खबरहरु