सर्लाही । सर्लाही प्रहरीले ठूलो मात्रामा अवैध रूपमा लगाइएको गाँजा खेती फँडानी गरेको छ। जिल्लाको लालबन्दी नगरपालिका–१४ स्थित मायास्थान चुरे क्षेत्रभित्र फैलिएको करिब ४० बिघा क्षेत्रफलमा लगाइएको अवैध गाँजा खेती नष्ट गरिएको हो।
जिल्ला प्रहरी कार्यालय सर्लाहीका अनुसार नेपाल प्रहरी र सशस्त्र प्रहरी बलको संयुक्त टोली खटाई अवैध रूपमा लगाइएका २ लाखभन्दा बढी गाँजाका बोट फँडानी गरिएको हो। फँडानी कार्यमा करिब १३० जना सुरक्षाकर्मी सहभागी रहेका थिए।
चुरे क्षेत्रलाई लागुऔषध खेतीबाट मुक्त राख्ने उद्देश्यसहित नियमित अनुगमनका क्रममा उक्त अवैध गाँजा खेती फेला परेपछि फँडानी गरिएको प्रहरीले जनाएको छ। यससम्बन्धी थप अनुसन्धान तथा आवश्यक कानुनी प्रक्रिया अघि बढाइएको जिल्ला प्रहरी कार्यालय सर्लाहीले जानकारी दिएको छ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
