वीरगञ्ज – वीरगञ्ज महानगरपालिकाको नगरप्रमुखमा निर्वाचित राजेशमान सिंहले बिहीबार पद तथा गोपनियताको सपथ लिँदै छन् ।
गएको वैशाख ३० गते सम्पन्न निर्वाचनबाट निर्वाचित सिंहले बिहीबार बेलुका वीरगञ्जस्थित पुरानो बसपार्कको खुला मैदानमा सपथ लिन लागेका हुन् ।
उनलाई पर्साका मुख्य निर्वाचन अधिकृत धर्मराज पौडेलले पद तथा गोपनियताको सपथ ग्रहण गराउने छन् ।
नवनिर्वाचित नगरप्रमुख सिंहले बन्द कोठामा नभई नगरवासीकाबीच सपथ लिने इच्छा जाहेर गरेपछि नगरबीचमा रहेको पुरानो बसपार्कको खुला स्थानमा सपथ कार्यक्रम राखिएको हो ।
पाँच दलीय गठबन्धनको साझा उम्मेद्वार रहेका जसपाका सिंहले एमालेका उम्मेद्वार एवं निवर्तमान नगरप्रमुख विजय सरावगीलाई करिब दोब्बर बढी मतले उछिन्दै विजयी बनेका हुन् ।
नगरप्रमुखमा विजयी सिंहले ४६ हजार २ सय १५ मत पाउँदा एमालेका सरावगीले भने २३ हजार १ सय ७१ मत पाएका थिए ।
यस्तै आजै उपप्रमुख इम्तियाज आलम तथा ३२ वटै वडाका वडाध्यक्ष तथा सदस्यहरु सबैले सपथ लिने कार्यक्रम रहेको वीरगञ्ज महानगरले जनाएको छ ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
