वीरगन्ज, असार २८ — जनमत पार्टीले आफ्नै दुई केन्द्रीय नेतासँग पार्टी अनुशासन उल्लङ्घन गरेको भन्दै लिखित स्पष्टीकरण माग गरेको छ।
पार्टीको केन्द्रीय अनुशासन समितिले धनुषाबाट केन्द्रीय कार्यकारिणी सदस्य शम्भुनाथ साह र रौतहटबाट सदस्य वीरेन्द्र सोनारलाई ७ दिनभित्र स्पष्टीकरण बुझाउन निर्देशन दिएको हो।
अनुशासन समितिका अनुसार, ती नेताहरूले पछिल्लो समय सामाजिक सञ्जालमा पार्टीको निर्णयको विरोध गर्दै पार्टी विधान विपरीत अनुशासनहीन क्रियाकलाप गरेका छन्। समितिले यस्तो गतिविधि पार्टीको आन्तरिक एकता, मर्यादा र हितविपरीत रहेको ठहर गरेको छ।
अनुशासन समितिका संयोजक तथा पार्टीका उपाध्यक्ष नरेन्द्रप्रसाद चौधरी द्वारा हस्ताक्षरित पत्रमा भनिएको छ,तपाईं विगत केही दिनदेखि सामाजिक सञ्जालहरूमा पार्टी निर्णयको विरोध गर्दै विधान विपरीत व्यवहार गर्नुभएको पाइयो। यसले पार्टीको निर्देशनको उल्लङ्घन र पार्टी हितविपरीतको कार्य दर्शाउँछ। त्यसैले जनमत पार्टीको विधानको धारा ३९ (क) को उपधारा २, ३, ४, ५, १० र १५ अनुसार तपाईंलाई किन कारबाही नगर्ने भनी ७ दिनभित्र लिखित रूपमा स्पष्ट कारणसहित स्पष्टीकरण दिनुहुन अनुरोध छ।
पार्टी स्रोतका अनुसार, आवश्यकताअनुसार अनुशासन समितिले दुवै नेतालाई कारबाही गर्न सक्ने संकेतसमेत गरेको छ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
