वीरगञ्ज – स्वतन्त्र उम्मेदवार रुपेशमान सिंह हरेक दिन मतदाताको घरघरमा पुगिरहेका छन् ।
पर्सा २(ख) बाट प्रदेशसभा सदस्यका लागि स्वतन्त्र उम्मेदवारी दिएका सिंहले आफ्ना एजेण्डा सुनाउन मतदाताको घरघर पुगिरहेका हुन् ।
वीरगञ्ज महानगरपालिकाको १० वटा वडा र बहुदरमाई नगरपालिका वडा नम्वर २ गरी ११ वटा वडाका मतदाता भेट्न उनी हरेक दिन बिहान बेलुका कार्यतालिका नै बनाएर घरघर पुगिरहेका छन् ।
मतदाताको गुनासो सुन्न र आफ्ना एजेण्डा सुनाउन उनी अधिकांस वडाका मतदाताको घरघरमा पुगिसकेका छन् ।
यस अघि जितेर गएकाहरु पाँच वर्षसम्म फर्केर नआएको र अहिले चुनावका बेला मात्रै देखिएकाले उनीहरुलाई मतदान नगर्ने भन्दै अब स्वतन्त्र उम्मेद्वार सिंहकै पक्षमा लाग्ने मतदाताहरु बताउँछन् ।
आफ्ना बालबच्चाले उचित शिक्षा पाउन नसकेको, गाउँमै उचित स्वास्थ्य जाँचको प्रबन्ध अहिलेसम्म हुन नसकेको भन्दै मतदाताले यसमा काम गर्छु भनेर आएका सिंहलाई आफूहरुले मौका दिने बताएका हुन् ।
दलका उम्मेदवारहरु बढी भागबण्डामा केन्द्रित हुने र जनताका काम नगर्ने भएकाले अब स्वतन्त्रको बिकल्प नभएको वडा नम्वर १७ कोनियाँका मतदाता दिपेन्द्र पटेल बताउँछन् ।
उनी जस्तै धेरैले गर्छु भनेर हिम्मतका साथ अघि बढेका स्वतन्त्र उम्मेदवार सिंहलाई विजयी बनाउन गाउँगाउँमा प्रचार प्रसार पनि गर्दै हिँडेका छन् ।
स्वतन्त्र उम्मेदवार सिंह शुक्रबार आज वडा नम्वर १७ कोनियाँका मतदाताको घरघरमा पुगेका छन् । त्यहाँका मतदाताले सिंहलाई फुलमाला र अबिर लगाएर विजयको आशिर्वाद दिँदै आफूहरुको पूर्ण साथ रहने बताएका छन् ।
घरदैलो अभियानमा स्वस्फूर्त रुपमा महिला, बृद्ध, युवा लगायतको उल्लेख्य उपस्थिती रहेको थियो ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
