वीरगञ्ज ,२० पुस । जिल्ला प्रहरी कार्यालय बाराले भन्सार छलीका सामानसहितका ट्रक पक्राउ गरेको छ । प्रहरी चौकी पथलैया बाराबाट खटिएको प्रहरी टोलीले जीतपुरसिमरा उपमहानगरपालिका वडा नं. १ पथलैया चोकबाट उक्त सामानसहितको ट्रक पक्राउ गरेको हो ।
वीरगञ्जबाट कास्कीतर्फ जादैँ गरेको ना ३ ख ७३२९ नम्बरको ट्रक रोकेर जाँच गरेको थियो । सोही क्रममा ट्रकमा लोड रहेका खुद्रा सामानको बिलबिजक शंकास्पद भेटिएपछि नियन्त्रणमा लिएको हो ।
ट्रकमा ३८ लाख २७ हजार मूल्य बराबरका सामान बरामद भएको बाराका प्रहरी नायब उपरिक्षक दधिराम न्यौपानेले बताए ।
पक्राउ परेका सामानसहित ट्रकलाई आवश्यक कारवाहीका लागि राजश्व अनुसन्धान कार्यालय पथलैया बारामा बुझाइएको उनले बताए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
