वैशाख २६,काठमाडौँ — नेपाली महिला क्रिकेट टोलीले महिला टी–२० विश्वकप २०२६ को एशिया क्षेत्रीय छनोट अन्तर्गत आज आफ्नो पहिलो खेल खेल्दैछ। प्रतियोगिता थाइल्यान्डको एशियन इन्स्टिच्युट अफ टेक्नोलोजी मैदानमा बिहान पौने ९ बजे हङकङसँग हुनेछ।
थाइल्यान्डमा आयोजना हुने यस छनोट प्रतियोगितामा नेपालसहित आयोजक थाइल्यान्ड, भुटान, कुवेत, कतार, मलेसिया, हङकङ, बहराइन र यूएई गरी कुल ९ टोली सहभागी छन्।
नेपाल समूह ‘सी’ मा हङकङ र बहराइनसँग रहेको छ। समूह ‘ए’ मा भुटान, कुवेत र थाइल्यान्ड छन् भने समूह ‘बी’ मा मलेसिया, कतार र यूएई रहेका छन्। प्रत्येक समूहका टोलीहरूले एकअर्काविरुद्ध दुई–दुई पटक खेल्नेछन्। समूह विजेताहरू सुपर थ्री चरणमा पुग्नेछन्। सुपर थ्रीको शीर्ष दुई टोलीले विश्वकपको ग्लोबल छनोटमा स्थान बनाउनेछ।
नेपाल र हङकङबीचको पछिल्ला पाँच टी–२० खेलमध्ये नेपालले दुईमा जित निकाल्दा हङकङले पनि दुई जित दर्ता गरेको छ। एक खेल वर्षाका कारण रद्द भएको थियो।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
