काठमाडौं — काठमाडौंको टोखामा विष्णुमती खोलाको बाढीले बगाएको कारभित्र रहेकी एक महिलालाई नेपाल प्रहरी र स्थानीयवासीले सकुशल उद्धार गरेका छन्।
हिजो राति करिब १० बजे टोखास्थित ग्राण्डी अस्पताल नजिकैबाट दाङ तुलसीपुर घर भइ टोखामा बसोबास गर्दै आएकी ३४ वर्षीया भावना ओली सवार बाग्मती प्रदेश ०३१ च ६१४१ नम्बरको कार खोलाले बगाएको थियो।
प्रहरीका अनुसार कार चालकले बाढी आएको देखेपछि तुरुन्तै गाडीबाट हाम फालेर आफू जोगाएका थिए। तर कारभित्र रहेकी भावना ओली भने खोलासँगै बग्न पुगेकी थिइन्।
घटनापछि प्रहरी र स्थानीयवासीहरूले खोलालाई पछ्याउँदै बानियाटार पुल नजिकैबाट उनलाई सकुशल उद्धार गरेका हुन्। उनको स्वास्थ्य अवस्था सामान्य रहेको प्रहरीले जनाएको छ।
खोलाले बगाएको कारलाई पछि क्रेनको सहायताले निकालिएको जनाइएको छ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
