दिशा निर्देश 
काठमाडौँ । गृहमन्त्री ओमप्रकाश अर्यालले बिहीबार सिंहदरबारस्थित गृह मन्त्रालयमा तीन वटै सुरक्षा निकायका प्रमुखहरूसँग उच्चस्तरीय छलफल गरेका छन्।
छलफलमा नेपाल प्रहरीका प्रहरी महानिरीक्षक (आईजीपी) चन्द्रकुवेर खापुङ, सशस्त्र प्रहरी बलका प्रमुख राजु अर्याल र नेपाली सेनाका प्रतिनिधिहरू सहभागी थिए।
गृहमन्त्री अर्यालले पछिल्लो राजनीतिक अवस्थासँगै देशभरको सुरक्षा व्यवस्थापन र विपद् जोखिम न्यूनीकरण सम्बन्धी तयारीबारे जानकारी लिएका छन्। बैठकमा आन्तरिक सुरक्षा चुनौती, सीमाक्षेत्रको निगरानी, विपद् व्यवस्थापनमा संयोजन, र आगामी चाडपर्वका समयमा अपनाइने सुरक्षा रणनीतिबारे समेत छलफल भएको बताइिएको छ।
मन्त्रालयका एक अधिकारीका अनुसार, गृहमन्त्रीले सबै सुरक्षा निकायबीच आपसी समन्वय र तत्काल प्रतिक्रियात्मक क्षमता अझ सुदृढ बनाउन निर्देशन दिएका छन्।
