वीरगञ्ज – संघीय सरकारका वन तथा वातावरण मन्त्री प्रदीप यादवले पर्सा क्षेत्र नम्बर १ मा प्रतिनिधिसभा सदस्यकाे उम्मेद्वारी दर्ता गराएका छन् ।
जसपा एमाले गठबन्धनका साझा उम्मेदवार बनेका यादवले आइतबार दिउँसाे वीरगञ्ज स्थित मुख्य निर्वाचन अधिकृतकाे कार्यालयमा पुगेर प्रतिनिधिसभा सदस्यका लागि मनाेनयन दर्ता गरेका हुन् ।
जसपाकाे केन्द्रीय राजनीतिक समिति सदस्य समेत रहेका यादव, २०७४ काे निर्वाचनमा पर्सा १ बाटै प्रतिनिधिसभा सदस्यमा निर्वाचित भएका थिए।
आइतबार मनाेनयन दर्ता पछि सन्चारकर्मीसंग कुरा गर्दै यादवले पर्साका चार वटै प्रतिनिधिसभा र आठ वटै प्रदेश सभामा जसपा एमाले गठबन्धनका साझा उम्मेदवारहरुकाे जित सुनिश्चित रहेकाे दाबी गरे ।
उनले यसै पनि पर्सा जिल्लामा जसपा बलियाे अवस्थामा रहेकाे र त्यसमा एमालेसंग गठबन्धन गरिएकाले आफूहरुकाे जित कसैले राेक्न नसक्ने बताए ।
यादवले पर्सा १ मा आफू प्रतिद्वन्द्वी भन्दा अत्याधिक मतले पुन: निर्वाचित हुने ठाेकुवा गरे । २०७४ मा सांसदमा निर्वाचित भए यता आफू हर समय जनतामाझमै रहेकाले यसपटक पनि पर्सा १ मा जितेर नयाँ ईतिहास रच्ने जिकिर गरे ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
