वीरगञ्ज – वीरगञ्ज महानगरपालिकाका मेयर राजेशमान सिंह एशियाली विकास बैंक (ADB) ले आयोजना गरेको छलफलमा भाग लिन सोमबार काठमाण्डौमा छन् ।
विपद् जोखिमका लागि आवश्यक प्राविधिक सहायकता उपलब्ध गराउन बैंकले १० लाख डलरको सहयोग स्वीकृत गरेसँगै वीरगञ्ज महानगरलाई गर्न सक्ने सहयोगको सम्बन्धमा छलफल गर्न कार्यक्रम गरिएकाे हो ।
बैंकले विपद्पछिको जीविकोपार्जन र साना व्यवसायको पुनःस्थापनाका लागि नियमन र नीति तर्जुमाका सम्बन्धमा छलफललाई विशेष जोड दिएको छ ।
छलफलमा नेपाल राष्ट्र बैंकका प्रतिनिधि, नेपाली सेना, विभिन्न वित्तीय क्षेत्रका प्रतिनिधि लगायतको सहभागिता रहेको छ ।
छलफलमा वीरगञ्जबाट महानगरका मेयर सिंह र प्रमुख प्रशासकीय अधिकृत लक्ष्मी पौडेल सहभागि छन् ।
छलफल आजै सकिने र साँझ वीरगञ्ज फर्कने कार्यतालिका रहेकाे मेयरका स्वकीय सचिव सत्यराज घिमिरेले जानकारी दिए ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
