मधेस प्रदेशका मुख्यमन्त्री सतिशकुमार सिंहले पर्सा जिल्लाको पोखरिया अस्पतालको स्तरोन्नति गर्ने प्रतिबद्धता जनाएका छन्।
पर्साको जगरनाथपुर गाउँपालिकाको सुहपुरमा आइतबार आयोजित जनमत पार्टीको कार्यक्रममा सहभागी हुन जाने क्रममा मुख्यमन्त्री सिंहले पोखरिया अस्पतालको स्थलगत अनुगमन गरे। अनुगमनपछि उनले अस्पतालको भौतिक पूर्वाधार सुधार, जनशक्ति तथा उपकरणको आवश्यकता प्रदेश सरकारले पूरा गर्ने आश्वासन दिए।
अस्पतालको सुधारको माग गर्दै राष्ट्रिय मुक्ति पार्टी नेपालका नेता तथा कार्यकर्ताहरूले असोज १३ गतेदेखि ११ दिनसम्म अस्पतालमै धर्ना दिएका थिए।
मुख्यमन्त्री सिंहको यस प्रतिबद्धतासँगै पोखरिया अस्पतालको सुधार कार्यले थप गति लिने अपेक्षा गरिएको छ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
