वीरगञ्ज । जनता समाजवादी पार्टी (जसपा) नेपाल पर्साका सहइन्चार्ज दिपक यादवले राजीनामा दिएका छन । जसपा नेपालका मधेश प्रदेश अध्यक्षलाई सम्बोधन गर्दै उनले पर्सा जिल्ला सहइन्चार्ज पदबाट राजीनामा दिएका हुन ।
पर्साको पटेर्वासुगौली गाउँपालिका निवासी दिपक यादवले स्थानीय तहको निर्वाचनको तयारीका लागि पालिका र क्षेत्रमै समय व्यतित गर्नुपरेको हुँदा पार्टीका लागि समय दिन नसक्ने राजीनामा पत्रमा उल्लेख गरेका छन ।
राजीनामा पत्रमा उनले पर्सा जिल्लाको सहइन्चार्जसँगै मधेश प्रदेश समितिको लेखा आयोगको सदस्यबाट पनि राजीनामा दिएको उल्लेख गरेका छन् ।
मधेश प्रदेशका पूर्व मुख्यमन्त्री लालबाबु राउतका स्वकिय सचिव समेत रहीसकेका यादवलाई २० श्रावण २०८० मा बसेको पार्टीको मधेश प्रदेश समितिको बैठकले पर्सा जिल्ला सहइन्चार्जको जिम्मेवारी दिएको थियो ।
यसअघिको स्थानीय तहको निर्वाचनमा पनि उनले पटेर्वासुगौली गाउँपालिकाको अध्यक्षमा उम्मेदवारी दिएका थिए । ४६९ मत मात्रै ल्याएर उनको जमानत जफत भएको थियो ।
यो वेवसाइट दिशा निर्देश डट कमको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
कम्पनी दर्ता नं : २४७८४८/०७७/७८
सुचना विभाग दर्ता नं : २८२४-२०७८/८९
दिशा निर्देश 
